Мектеп тарихы

Матайқұм орта мектебі- Қазақстан Республикасының Білім және Ғылым министрлігінің жалпы орта білім беретін оқу орны,мемлекеттік мекеме.Мектеп Ақтөбе облысы,Байғанин ауданы, Миялы селолық округі Дияр ауылында аудан орталығының ең шеткі нүктесінде орналасқан.

Матайқұм орта мектебі ең алғаш 1965 жылы бастауыш мектеп болып ашылды. 1966-1991 жылдары негізгі мектеп,1991 жылы орта мектеп болып құрылды. Осы жылдар аралығында оқушыларға сапалы білім беруде Құлбаев Мұқанғали,Ерғалиев Нұрбай, Қалышева Жайлы, Сарқұлов Сағымбай, Қоспағамбетов Жалғас,Әбжанов Мақсат,

Қасымов Шағырбай,Шоқылова Айсұлу,Айтмурзин Жүсіп,

Сәтбаев Жолдыбай,Едігеева Рахия,Тілемісов Әнібек сынды ұлағатты ұстаздар еңбек етіп,нәтижелі табыстарға қол жеткізді.

Матайқұм орта мектебі 2014 жылы толық күрделі жөндеуден өткізілді.Интернет жүйесіне бір нүкте қосылған. Мектеп бойынша  2 “ Алтын белгі ” иегері,  бірнеше “ Үздік аттестат “ иегерлері шықты.Мектеп оқушыларына сапалы білім,саналы тәрбие беруде 23 ұстаз еңбек етуде. Мектепте 14 балаға арналған шағын орталық жұмыс жасайды.Мектеп оқушылары әр түрлі білім сайыстарында жүлделі орындарға ие болып жүр.Қазіргі таңда мектеп түлектері әр түрлі салада табысты еңбек етіп жүр.